Biden cu khuaruahhar bak si cang; A linsa chin lengmang cang

US midterm election a naih cang caah Democrat le Republican pawl nih Congress le Senate ah nawlngeih ding in heh tiah an nih zuam cuamah lio a si. Vice President Kamala le President Joe Biden kongah i thei thiam lo nak fakpi a um ti bantuk in Media nih heh tiah an tial lio ah White House nih phisingnak kong heh tiah a chim lengmang ve

US president dirhmun hi a biapi tuk mi a si caah, US ah mainstream Media pawl nih thla fatin polls hi an tuah peng.

President rian tuan ning kongah US mipi nih zeitin an hmuh ning a si ti kha theih an duh caah. Politico polls kong fiangtein ka rak tial cang kha.

Atu cu foxnews nih polls/survey an tuah mi cu an langter ve cang i, Polls ah 53% nih Joe Biden cu president tlak a si lo an ti i, Presidential election lio ah a bia chim mi le president a si hnuah a rian tuan ning ah zumtlak a si lo, US President a tuan ning kongah 53% nih an lungtling lonak an langter.

PollsĀ  ah 36% nih Joe Biden rian tuan ning cu a tha tiin an langter Atu hi Joe Biden approval rating a chia tuk caah

Democrat pawl nih heh tiah an soisel ve cang i, mah bantuk in Joe Biden nih rian a tuan peng ahcun Midterm Election ah Congress le Senate ah kan sungh lai tiin Joe Biden cu heh tiah an soisel thangchiat ve cang. Atu President Joe Biden disapproval rating 53% hi a chia bik a phan.

Independent a si mi, Republican le Democrat party a si lo mi nih President Joe Biden rian tuan ning cu a chia tuk tiin, 56% disapproval an pek.

An mah Democrat chungah 87% nih President Joe Biden rian tuan ning cu a tha ko an ti lio ah Republican 94% nih President Joe Biden rian tuan ning cu a tha lo an ti. Polls ah a biapi ngai mi cu Independent pawl hi an si. US ram chungah Democrat le Republican lei ah voter register atuah lo mi tampi an um, an mah pawl hmuh ning hi a dik ngai mi an ti tawn mi a si. Cre-fox news

Be the first to comment

Leave a Reply

Your email address will not be published.


*