Breaking News- Dalaan ruangah Hakha ah thawngpang thar kan thei

Dalaan ruang ah Hakha Haithlan ah Kawl ralkap nih bomb le meithal puah, khuami 2 tlaih, inn pakhat bauh.  Nihin November 7 zaanlei, Dalaan nih phuan ruang ah Kawl ralkap pawl Hakha Haithlan ah an kal i meithal le bomb an puah, khuami 2 zong an tlaih hna, tiah kan theih.

“Hi thil a can hi 2:40 PM in 4:00 PM tiang hrawng a si i meithal cu zuun tamlak an puah. Bomb voi khat an puah fawn. Khuami pahnih an tlaih hna. Cun, Tin Tin pa (Thlang um Sang) inn zong an bauh i thilri an lak.

Hihi Haithlan ah ral an um tiin Dalaan nih a chimh hna ruang ah a si,” tiah khuami pakhat nih The Hakha Times ah a chim. Nihin ah Kawl ralkap nih an tlaih i an kalpi mi hna hi aho an si hngalh a si rih lo.Cre- THT

Adang….CACC Nubu bawmhnak Believers Church nih Mindat ralzaam sin ah pek. Chin Adelaide Christian Church, Australia (CACC) Nubu nih bawmhnak an thawhkhawm mi cu Believers Church, Myanmar nih Mindat ralzaam hna sin ah an pekchanh, tiah kan theih. “Hi bawmhnak hi CACC Nubu hna hmang i a si.

Thiltha an tuah mi hi Cornelius family hna thilpek bang Bawipa nih cohlang in thluachuah chap chin lengmang ko hna seh,”

tiah Believers Church, Myanmar dirhtu Bishop Dr. CK No Chhum nih a facebook cahmai ah a langhter. Tutan hi Mindat ralzaam camp tam nawn ah bawmhnak pek an si i a rauhhlan ah Matupi le Kanpetlet ralzaam hna sin zong ah bawmhnak pek khawh kan i zuam rih lai, ti zong a langhterchap.

Be the first to comment

Leave a Reply

Your email address will not be published.


*