Breaking News: Uico pawl nih Falam Peng Rialti khua ah Biakinn tel in inn 4 an khangh piak hna

October 13,2021/ Kalay in a rak kai mi SAC ralkap nih Falam Peng Rualti khua Khrihfa Biakinn tel in inn 4 mei in an khangh tiah, thawngpang thar kan theih. Nihin kan kawlram sining le dirhmun cu a celh in celh ding hrim a si ti lo. Kum 60, 70 kan tuar ing nak hi ruahpiak thiam loin sal ah hmang rih akan duh tu Uico rual hna hi kutke a ngeimi pawl nih lungrual tein doh chinchin cang hna usih.

An khanghnak khua hi Hakha le Falam kar khua a si i minung tlawmte inn 12 hrawng an umnak khua a si. Nihin October 13, 2021/ zaanlei 3:15pm hrawngah khan SAC ralkap nih mei in an khangh tiah, thawng kan theih. Atu bantuk in kan khua le kan ram cia ah mipi zawnruahnak a ngei lomi uico hna hi kan dihlak chuahhnawh an hau cang ko. Kan chimram kaadang, hmundang zongah daithlang awk kan tha hrim ti lo.

Hi hna pawl hi zahaan Falam khua ah a riak mi an si i Lungpi khua ah atu hi an lor tuk cang. Meithal an puah lenping ah khuami innzuat satil zong an thah-eipiak fawn hna tiah, thawngpang vun theih cu lung a fak chin. Laimi vialte kan dihlak lungrual tein mifir pa Min Aung Hliang a nau le hi kan tei hna hlan lo kan doh cio hna lai. Lunghrual cu teinak hriamnam tha taktak asi. Kan miphun a nung Pathian nih kan huhpheng hram ko seh. Credit: The Hakha Times

Be the first to comment

Leave a Reply

Your email address will not be published.


*