Breaking News:Ramthlo khua ah Ralhrang nih Khrihfa nehsawhnak a thar in an langhter than

Nihin zaanlei suimilam 4:00pm hrawngah Tlangzar khua ah a rak phanmi SAC ralhrang pawl cu Hakha he meng 22 a hlatnak Ramthlo khua ah mui lai ah an phan, tiah thawngpang kan theih. Tlangzar khualuhnak signboard pawng an phak khan Ramthlo lei ah miakpi in voi 3 hrawng an rak kah ta tiah, thawngpang a thangh.

Ramthlo ah an rak lut i atu hi Baptist biakinn le AG biakinn ah hmunhma an la hna i, Zaan riah dawh an si tiah, khuami pakhat nih a chim. Ramthlo khua cu khuami nih an chuahtak dih cang caah SAC ralhrang an rak phak lio ah khuachung ah ahohmanh an um ti lo. Hi bantuk in thawng kan theih mi cu lung afak ko mu.

Atu bantuk in Min Aung Hliang a nau le pawl hna hi zohsawh hrim a ngah ti lo mi dirhmun ah kan phak cang ca’h pa asi mi pawl nih lai meithal i put in kan dirhnawh bak a hau cang ko. Cutik locun kan lairamm khua hi an mah kut ah a phak dih sual lai. Lungrual tein uico pawl hi kan doh hna a hau ko. Kan miphun ralkap hna hi Bawipa tunih tthawngnak thazaang pechin ko hna seh. Credit:The Chin Journal

Relchap> SAC ralhrang nih an rak tlaihmi hna Kachin pastor pathum cu nihin ah an luat ve cang. A luancia May 3 ah khan Nawngmun khua mino hruainak in Myanmar ram daihnak ca ah thlacamnak an rak tuah i cuka hmun ah aa telmi pastor pathum cu SAC ralhrang nih May 28 ah an rak tlaih hna. Pohma 505 (a) in taza an cuai hna i thla 5 a rauh hnu ah luatnak an hmuh tthan hi a si.

Be the first to comment

Leave a Reply

Your email address will not be published.


*