CDF-Mindate nih fehternak an tuah cang. Uico ralhrang ceihlak an thi

Kawlram kong ah kan theih peng ding mi cu ralhrang lei cu zat cu an thih, PDF lei cu zat cu an thi, CDF lei cu zat cu an thi ti lawngte si cang lai, a ruang cu atu cu ral he heh tiah i tuk a si cang caa, Mipi caah a dirmi PDF le CDF caah heh tiah thlacam kan bawmh hna lai.

Yaw Defense force nih fekternak an tuah cang i, YDF, CDF Mindat le PDF SAW, CDF Kanpalet i bawmh in Ni 19 ah suimilam saupi uico ralhrang heh an i tuk i, ralhrang lei minung 65 an thi i,

mi tampi hliam hma an hmuh tiin an langter. Uico ralhrang nih hriamnam tih nung ngai mi MI-35 attack-helicopters cu suimilam 11:30 am hrawng ah an hmang.

Cun Helicopter hmangin uico ralhrang hna hi heh tiah an nih cawlhcang. Minute 45 chung i kahnak a chuak. An mah lei hruaitu YDF pakhat fakpi in hliam hma a hmuh.Cre-Chinwin News Agency

Thawngpang dang…Shan ram chaklei Phawngsai (ဖေါင်းဆိုင်) khuapawng thlacamnak tlang ah ralhrang phu hna le MNDAA phu kar November 19, ni zaan suimilam 9:35 tiang fakngai in kahdohnak a chuak. Cu kahdohnak ah cun ralhrang lei in a thimi le a tlau mi an tam tiah khuachung thawngzamhnak nih a langhter.

Thlacamnak tlang cu ralhrang phu tat-mah 77 nih thazaang tampi he an doh hna caah kahdohnak a fah hi a si, MNDAA phu nih kham in an doh ve hna caah ralhrang lei an fah khun nak le a thimi, a tlaumi an tamhnak hi a si tiah theih a si. #Khit Thit Media

Relchap…Magwe ramthen, Gangaw peng Gangaw- Htilin mawtaw lamlei, Maw Lay Gui (မောလယ်ကွေ့)ah thazaang 200 hrawng tel in ralhrang mawtaw 5 cu Gangaw YDF nih lamtan in an kah hna i ralhrang 25 an thi 20 leng an hliam tiah YDF nih athanh. November 19 ni zinglei suimilam 2:40 ah Gangaw- Htilin lamlei ah ara mi ralhrang mawtaw 5 le minung thazaang 200 hrawng cu YDF nih

Bomb le kutcheh bomb hna in an kah an doh hna hi asi. ” November 19 zingka te ah ralhrang mawtaw 5 cu a hlan ah an hman tawn mi lam ah kal lo in Maw Lay(မောလယ်) lamthen in Gangaw lei ah an hel i an lut. Mah mawtaw hna cu YDF nih an bawh i kut chehmi bomb hna hmang in an kah hna ” tiah Yaw Eagle thawngzamh nak nih atial. # Khit Thit media

Be the first to comment

Leave a Reply

Your email address will not be published.


*