China nih heh tiah a soisel mi cu US, Australia le UK nih an tuah cang

China cu a lin bak inĀ  lin ko cang. US, Australia le UK nih China thil tuah ning le China nih ram hme pawl cungah a thil tuah ning an zoh lengmang tikah, China hi cawlcang kho lo in tuah a hau tiin China nih a duh lo ngai mi thil tuah ding in biakhianak an rak ngeih kha

US, UK le Australia nih an rak ceih cia mi bantuk in ni 22 ah AUKUS submarine deal ah min thutnak an tuah cang.

Pacific ah US le China tension a linsa chin lengmang lio ah Beijing zong a duh ning bantuk in a cawlhcang ngam ti lai lo.

Natein a tu US, UK le Australia nih Deal an tuah mi tlamtling khawhnak ding caah kum 10 a hau men lai tiah zum a si. Australia Defence minister Peter Dutton nih a chim ning ahcun US le UK diplomate nih mah agreement ah min thutnak an tuah. Mah ram pathum hna hi sensitive “naval nuclear propulsion information” an nih theihte lengmang cang hna lai

US President Joe Biden “AUKUS Alliance agreement ram pathum defence lei ah kaupi in rian kan tuan ti khawhnak ding caah lam a kan ser piak tu a si lai tiah a zum ning a chim.

AUKUS deal nih Australia caah state-of-the-art, nuclear submarines 8 long-range missions hmang khawh ding mi a serh piak hna lai i, cun-cyber,

artificial intelligence, quantum, & unspecified undersea capabilities lei ah Australia cu heh tiah an bawmh hna lai. Mah bantuk in US, UK le Australia nih thil an tuah mi hi China nih a duh lo ngai mi a si i, a ruang cu mah bantuk in tlamtling tein thil an tuah cang lai caah China nih pacifi region ah duh poah in a cawlhcang ngam ti lai lo

China hi ram dang caah buainak fakpi a chuahpi tu a si tawn i, atu hi South China sea ah inpa chakthlang he heh tia buainak an ngei lio a si i,

Cun India he ramri kongah buainak fakpi an ngei lio a si, Cun Taiwan he buainak fakpi an ngei li, Cun EU le NATO kar lakah buainak fakpi an ngeih fawn tikah, China a cawlhcang khawh lonak ding caah US zong nih heh tiah lam a kawl ve mi a si. Cre-RTK

Be the first to comment

Leave a Reply

Your email address will not be published.


*