Good News bak si than, Ralhrang lei ceilak in an thi

Sagaing ramthen Pale- Gangaw lam ah ke in a rak kai mi ralhraang hna cu Bomh 35 puah an tong i 34 an thi. Sagaing ramthen Pale- Gangaw lam Wanbaygyaint (ဝမ်းဘဲဂျိုင့်) khua pawng ah ke in a rak kai mi ralhraang pawl cu Bomb 35 in kan puah hna i ralhraang 34 an thi, 30 leng hliam tuar an um tiah PRA chimnak nawlngeitu pakhat nih a chim.

November 8 zing suimilaam 10:30 ah Pale in ke in a rak kai mi ralhraang thazaang 80 hrawng hna cu PRA, Pale PDF Headquarters le Joker phu thum fonh nih

Bomb in kan puah hna hi a si tiah PRA chimnak nawlngeitu nih a chim. PDF tangti phu thum fonh chung in hliam tuar an um lo tiah kan theih. Ref: Khit Thit Media

Thantlang kong update thar…November 6 lio Thantlang inn an kanghchap mi inn 8 a rak si, inn 191 khangh cang. Kawl ralkap (Ralhrang) nih November 6 lio zinglei 5:30 AM hrawng in Thantlang khua inn an khanghchap mi hi a dihlak ah inn 8 a rak si i nihin tiang an khangh mi dihlak inn 191 a si cang, tiah kan theih.

Inn a kaang mi le inn ngeitu hna hi; “TABC PCH (Ngaktah inn) 3, Pi Khen Cia (Thangaw khuami) inn, Pu Al Hai inn, Pu Thawng Hnin inn, Saya Chan Kar Lian inn, le Sayama Sui Iang inn tiin a dihlak inn 8 a si, tiah Pu Ram Khar nih a chim.

Hi inn a kaang mi hi Kawl ralkap nih bomb an puah/kahnak ruang a si i hi ni ah CNA in Salai Soe Lin Naing mual a liam i 2 an rak i hliam. Kawl ralkap lei in a thi mi le aa hliam mi an um le um lo nihin tiang CNA/CDF lei nih cathanh an chuah rih lo. September 18 zaan ah Sianginm sang inn 19, October 29 ah inn 164 le November 6 ah inn 8 an khangh i a dihlak ah inn 191 a si cang.#Photo: October 29 lio (ahlun) Cred-THT

Be the first to comment

Leave a Reply

Your email address will not be published.


*