Good News- Nihin thawngtha kan theih mi pathum

=Sagaing ramthen, Myaung (မြောင်) peng nihin zinglei ah ralhrang phu motor cu mi zapi vengtu ralkap phu nih bomb hmanh in an doh hna caah ralhrang motor 2 a rawk , ralhrang lei a thimi an um lai tiah zumh a si. Nihin November 23, zinglei suimilam 10:00 hrawngah Yesagyu (ရေစကြို) peng in ChawngOo (ချောင်းဦး) peng ah a kalmi ralhrang motor 4 cu Myaung (မြောင်)-PDF nih bomb puahhnawh in an doh hna hi a si.

Myaung (မြောင်) peng mi zapi vengtu ralkap phu chungtel pakhat nih ” zinglei suimilam 10:00 hrawngah bomb puahhnawh an si.

Yesagyu (ရေစကြို) peng in a ra mi ralhrang motor 4 cu ChawngOo (ချောင်းဦး) lei ah an kal, ralhrang motor cu bomb puahhnawh an si caah 2 cu a rawk, pakhat cu motor hnulei a hliamh,an hnubik ah a kalmi ralhrang motor pakhat cu lak awk um lo tiang in a rawk” tiah a chim. #The Irrawaddy

=Sagaing ramthen, ChawngOo peng ChawngOo-Sinphyushin(ဆင်ဖြူရှင်) lampi ah ralhrang phu hna motor cu mi zapi vengtu phu li fonh nih bomb he an doh hna caah ralhrang lei in minung 10 nak tlawmlo an thi i ralhrang phu motor a nganmi pakhat cu a rawk. Ralhrang motor cu a rawh caah seh in an dawh than tiah ChawngOo peng mi zapi vengtu ralkap phu nih cathanh an chuah.

Ralhrang phu le mi zapi vengtu ralkap phu li fonh kar kahdohnak cu ChawngOo -PDF, 27 Revolution Forces, Myaung Special People’s Defense Force MSPDF le T.G.R Myaung(မြောင်) phu li fonh nih an doh hna tiah theih a si. #Khit Thit Media

=China le Association of Southeast Asian Nations(ASEAN) hruaitu hna cu ralhrang bu hruaitu Min Aung Hlaing tello in biaruahnak an ngei. Chinese President Xi Jinping nih a hruai mi virtual submit ah hin China nih cun Myanmar ralhrang bu hruaitu Min Aung Hlaing hi telh ve a duh nain ASEAN ramdang nih an duh lo, tiah Reuster nih a tial.

Tutan hi ASEAN submit ah Min Aung Hlaing an telh ve lo voihnihnak a si cang. February ni 1, in hramhram nawlngeihnak a latu Min Aung Hlaing nih hin Myanmar ramkhel hruaitu le ralhrang a dotu mi zeimawzat a tlai hna. Nunnak tampi tiang a liam cang.

April thla i ASEAN hruaitu hna le ralhrang bu remdaihnak an tuahning ahcun, ralhrang nih an tlaihmi hna vialte le NLD party hruaitu Aung San Suu Kyi chuah ding an si cang. Sinain, remdaihnak an tuahmi an hlawhtlinter khawh lo caah ASEAN ram hna nih hin Min Aung Hlaing hi an cohlang duh lo.

Tutan China-ASEAN submit ah hin China nih ralhrang bu hruaitu Min Aung Hlaing hi fakpi in dirkamh hmanhsehlaw ASEAN member dang Malaysia, Indonesia, Singapore le Brunei hna nih fakpi in an rak doh ve.

NUG spokesperson Dr Sasa nih cun China nih Myanmar ralhrang bu telh a duh cu, “A dik lo hrimhrim”, tiah a rak aupi ve. “Myanmar ralhrang bu hna nih hin ASEAN ram hna duhning an zul lo, ram chung ah buainak le harnak tuah tidah lo cu China le ASEAN ram hna ca zong ah thil tha tuah mi a ngei fawn lo,” tiah a chim.

Be the first to comment

Leave a Reply

Your email address will not be published.


*