Minda CDF pawl uar an um ning cu, pasal bak an si ko

Mindat-Matupi karlak ah SAC Ralhrang 70 Hrawng an Thi tiah CDF-Mindat nih Chim. November 2 in November 10 tiang a cangmi Matupi-Mindat karlak CDF-Mindat le SAC ralhrang kahdohnak voi 12 a chuak i SAC ralhrang 70 hranwg an thi lai, tiah CDF-Mindat nih an langhter.

November 2 kahdohnak ah ralhrang 2 an thi i, JCB pakhat an khanghpiak hna. November 3 kahdohnak ah ralhrang 12 hrawng an thi i CDF-Mindat lei in kum 73 a simi upa pakhat nih a nunnak a pek ve. November 4 kahdohnak ah ralhrang 25 hrawng an thi. Hliamhma a pumi an tam ngaingai.

November 6 kahdohnak ah ralhrang 8 hrawng an thi i meng 31 zawn ah ralhrang ruak a tlol cangmi pakhat zong an hmuh. November 7 kahdohnak ah SAC ralhrang 18 hrawng an thi. SAC ralhrang nih inn an bauh, thilri an fir i mei zong an khangh. November 8 kahdohnak ah ralhrang 10 hrawng an thi. Mindat lei in ralhrang nih miakpi in kah an bawmh hna.

November 9 kahdohnak ah ralhrang 7 hrawng an thi i November 10 zong ah meng 10 zawn ah CDF-Mindat nih bomb an puah hnawh hna i, ralhrang tampi hliam an pu. A thimi an um lak tiah an zumh. Cre-TCJ

Be the first to comment

Leave a Reply

Your email address will not be published.


*