Ngeih a chiah ning le tuar a har ning zoh ah ka thinlung nih a celh hrim lo

Atu lio kan kawlram dirhmun le sining zoh tikah lung a fak chin ko. Kum 70 chung a kan Uk mihi an vui hrimhrim rih lo ma? Mipi sualnak ngei lo thahnawnh hi an rawl thawh bik le an thanuamh bik ah an ruah cang ko rua. Mah zatzat inn le lo akan hrawhpiak mi le akan khangh piak mihi zohsawh ding asi ti lo. Mipi pawl nih lungrual tein kan tei hlan lo kan doh lai.

Nihin, October 25,2021 zinglei ah Kawl ralkap nih Falam Peng Taalkhua inn 10 an khangh i, inn 2 cu an phalh manh tiah, thawngpang kan theih. Atu bantuk in SAC ralhrang pawl nih akan tuahto ning hi minung nih celh ding hrim asi lo. Hruaitu that lo nih ram a hrawh an ti bangin Uico pawl nih ram mipi le kawlram cu an hrawh dih cang ko. Nihin i inn le lo an hrawh mihi tam tuk man asi.

Inn 10 chung ah inn 2 cu an phalh manh i, inn 8 cu a ciam tiah, Cung Ngai nih a facebook cahmai ah a langhter. Falam Peng ahhin Kawl ralkap nih Rialti khua inn 10, Thlanrawn inn 13 akan khangh piak mi hmuh tikah lung a fak tuk. Bawipa tunih lai miphun hi kan kilveng sehlaw a tu lio kan dohthlennak ah teinak kan pe hram ko seh. Credit: The Hakha Times

Relchap> October 22,2021 / Sagaing Ramthen/ Kan Htoo Ma khua a pawngkam hrawnghran ah zahan zaanlei suimilam 4:30pm ah Rallokap pawl le PDF ral i dohnak pawngkam hrawngah a chawk vak mi tlangval no te Kum 20 hrawng a si mi Salai Aye Min timi pa cu Uico pawl nih a ttangah an kah hram i, an kahnak hmun ah a nunnak a liamh colh tiah, Khit Thit Media nih an langhter.

Kan Htoo Ma khua kiankap hrawngah mipi a chawhvai mi minung pawl hna zong an cheak dih hna. Mah hnu cun Ralkap le Palek minung 15 hrawng nih Tantse Myone ah a ummi PDF pawl an kal hnawh hna i, PDF pawl nih Ralhrang pawl an rat kha an theih tikah an rak kah hna i, Uico pawl minung 3 an thi tiah, thawngtha kan theih.

Cuhnu cun Sagaing Ramthen, Kant Balu khua , Chap Thin khua pawngkam hrawng zongah Ralhrang pawl nih umhhmun an kurh i, mah ahcun a vak sawhsawh mi minung 2 an theih hna. Cu an tleih mi hna minung 2 cu thla than ti hna loin an thah beh hna tiah, thawngpang theih a si. Ralhrang pawl nih a tu lio minung sawhsawh zong a thah thluamah hna tikah lungfah hi celh a si hrim lo. Credit:Khit Thit Media

Relchap> October 20 thawk in Falam peng, Lailun ah Falam Township IDPs Management Team (FTIMT) nih ralzaam camp on hram an thawk i nihin October 22 tiang ah ralzaam 50 hrawng an phan cang. Lailun ralzam camp ah a phanmi hna hi Hakha-Falam karlak i khua pawl a simi Rialti, Lungrang le Thlanrawn khua hna in an si. FTIMT nih cazin an lak ning ah October 15 tiang ah hin Falam peng huap in ralzaam 9,600 leng an um cang, tiah a langhter.

Be the first to comment

Leave a Reply

Your email address will not be published.


*