Nihin ah NUG nih cathanh a chuah mi cu MAH caah theih nuam lo tuk mi si ko

Thlakhat chung ah Ralhrang 1300 nak tlawm lo an thi tiin NUG nih cathanh a chuah. October 7 in November 6 tiang PDF le Ralhrang kar kahdohnak ah Ralhrang lei 1300 nak tlawm lo an thi tiin NUG, Ministry of Defence nih cathanh a chuah.

Thlakhat chung Kawlram pumpi chung Kahdoh nak voi 207 a tho i Ralhrang lei in 1309 an thi, 463 hliamhma an pu tiin NUG Ministry of Defence nih November 11 ah cathanh a chuah.

Ralhrang Council nih thlakhat chung ah Hramhram in palhnak a tuah mi Voi 197 asi i Ralhrang kut in Mipi 313 an thi, 63 hliamhma an pu Cu pin ah Ralhrang nih thlakhat chung ah mipi 426 an tleih hna tiin NUG, Ministry of Defence nih cathanh an chuah.Crd-IBE

Thantlang update…Thantlang ah Ralhrang nih a Voi (6) nak inn an khangh tthan November 11, zaan 6:15 PM hrawng ah Thantlang khuapi inn Ralhrang nih an khangh tthan.

“6:15PM in a Kangh kan hmuh. Thantlang ကြိုဆိုပါ၏ a pawng hrawng ah a lo. Aa hlat tuk i fiang in kan hmu kho lo” tiin aa hlat nak in a hmu mi pakhat nih The Chin Post ah a chim. Tu zaan in cun a Voi(6) nak inn an khangh asi cang. Cre-TCP

Be the first to comment

Leave a Reply

Your email address will not be published.


*