Nihin thawngpang tha le chia kan thei mi pathum hna

=Ni 27 a rauh hnu ah Kawl ralkap nih tlaih mi Pu Rual Cung a thi cang, tiah chungkhar sin ah thawngthanh. Aluancia October 12 lio, Hakha Hniarlawnthar kahdohnak ah an rak tlaih mi Pu Rual Cung (kum 24) cu nihin November 8 ah a thi cang, tiah Kawl ralkap (Ralhrang) nih chungkhar an thanh hna, tiah kan theih.

“Nihin chun hrawng ah khan phone an rak kan chawnh. A thi cang an kan ti. Dam tein a mui kan hmuh than rua lai kan ti mi cu thawngpangchia in kan theih i kan ngaihchia tuk hringhran.

A nupi le fale zong hmundang ah an phanhpi cang hna,” tiah Pu Rual Cung a unu nih The Hakha Times ah a chim.

Pu Rual Cung hi Hniarlawnthar kahdohnak lio October 12 ah an rak tlaihchih sual mi a si i a hawile 4 hi cu sakhaan ah an chiah cang hna nain anih tu cu a thi cang, tiah chungkhar sin ah an thanh hna. Cre-THT

=Kachin Mino hna nih Thantlang ralzaam ca sing 10 le thilpuan bawmhnak pek. November 8 | Kachin mino (Laiza Youth Fundraising Team) nih Thantlang ralzaam caah tangka sing 10 (Ks.1,000,000) le ralkap hna caah thilpuan le eidin ding bawmhnak an pek hna, tiah kan theih.

“Thisen in Laihritlai kan unau hna caah atu bantuk an ngaihchiat le harton lio ah bawmtu pakhat tal a si lai, ti ruahchannak he tangka tlawmpalte, thilpuan le eidin ding bawmhnak kan pek,” tiah LYFT nih an facebook cahmai ah an langhter.

Hi bawmhnak hi Thantlang Placement Affairs Committee-IDPs nih an cohlan cang nak zong nihin November 8 ah an thanh.

=Mandalay le Tantse ah Dalaan 2 le inn 100 uktu pakhat thah. November. Mandalay Ramthen, Mahar Aungmay khua ah Min Aung Hlaing te phu nih riankhinh mi inn 100 uktu Tun Tun cu GZP-Mandalay le Myanmar Justice Force i bawm in meithal in an kah i a thi. November 7 lio Sagaing Ramthen, Tantse Peng Thayatkone khua ah Dalaan nupa Ko Chit Po le Moe Lwin zong meithal in an kahthah hna, tiah Khit Thit Media nih a tial.

Be the first to comment

Leave a Reply

Your email address will not be published.


*