Thidar:Pastor Ngai Kung uico ralhrang nih an thah cang tiah, thawngpang kan theih mi cu lung a fak tuk

Nihin kan kawlram dirhmun kan zoh tikah Ralhrang pawl cawlcang nak le mipi cung tuahsernak hi philh kho lomi tuanbia chiah taktak asi ko. Pathian nih chihti a thuhmi kan Pastor te hman an nunnak zuasianh hna loin akan thahpiak mi hna hi cu lung a fak tuk hringhran.

Chin ramkulh, Matupi peng Ngalai khuami Pastor Ngai Kung cu ralhrang nih September 23 ah an rak tlaih i, amah he an rak tlaihmi hna mino cu an thlah cang hna nain Pastor Ngai Kung cu ralhrang nih an thah tiah theih asi.

A tu bantuk in Pastor Ngai Kung cu uico ralhrang pawl nih an thah cang tiah, thawngpang an thanh mi kan hmuh tikah a thar in kan lungthin fahnak a zual chin. Pastor Ngai Kung nih a tantak mi chungkhar, cinlarualchan vialte hna le Member vialte kan biak Pathian tunih nan tuarfahnak hi inhnem cio hram ko hna seh. Credit:The Fedaral Times

Relchap> Civil Engineering (BE) in Degree a la cangmi Hmandaw khuami Salai Cung Chin Thang cu nihin chun ah Kalay sizung ah a nunnak a liammi a pu ruak khua lei a tlunpinak lampi, Kapany hlei pawng Check Point ah SAC ralhrang nih an tlaih, tiah thawng kan theih.

Khuami pakhat nih, “A pu ruak a phormi motor hmai ah anih hi motorcycle in a kal. Hmandaw phak hlan Kapany hlei pawng Check Point ah PDF he pehtlaihnak a ngei lai tiah lunghrinh in ralkap nih an tlaih,” tiah a chim. Salai Cung Chin Thang an tlaih lio a hmutu khuami pakhat nih, “An tlaih i an velhnak thawngpang hi lamhlatpi hmanh in kan theih. An thlah tiang kan hngah lai kan ti nain ralkap bawi pakhat nih hngak hlah u. Nan caan lam a paam.

Kan checkhlat dih in kan thlah ko lai a kan ti. Salai Cung Chin Sang i a Hmatpungttin (ID) le tangka bawm a kan pek i a kan kalter,” tiah a chim. Salai Cung Chin Thang hi atulio hriamtlaih cawlcanghnak zong aa tel lomi a si i, khua ah chungkhar he a ummi a si. A pu ruak tu cu inn ah a phan cang nain amah belte atu tiang inn a hlam rih lo, tiah khuami hna nih an chim.

Be the first to comment

Leave a Reply

Your email address will not be published.


*