Ngeihchiatnak: CNA lance Coporal Andrew chungkhar, Bawipa nih inhnem hram hna seh mu

October 14,2021/ CNA Lance Corporal Andrew le Pi Hawi Khin hna i an fahniang Pa Van Cung Bik nih tlangrai dam lonak in mual akan liamh tak tiah, thawngpang kan theih mi cu lung a fak tuk e. A tu bantuk in Ram le miphun ca’h rian a ttuan cuamah mi kan Unau Andrew chungkhar hna nih ngeihchiatnak fak tuk an tong tikah thinlung a fak tuk hringhran ko. Bawipa tunih intuar khawhnak nung inpe hram hna seh mu.

Apa hi ralram ah a um lio a si i nufarual hi Camp ah an um ngam ti lo ruang ah Mizoram ah an zaam chung i innrep ngeilo pherh inn tang teah harsa ngai in khua an sak cuamah lio ah a tu bantuk in an fapa nih a liam tak hna tikah, chungkhar hna zeitluk indah an lung a fak hnga i, an tuar lai  mu. Chungkhar pa bik le Ralram ah mipi humhim dingin ral a doh cuamah lio a si fawn. Kan fapa Pa Van Cung Bik sianh na va umh hrim lo mu. Credit: Olivia Nu Cizah

Relchap> October 14, zaanlei 2:00 PM hrawng khan Falam Peng ah CNA+CDF an i kap cuahmah tiah kan theih. Atu hi CNA+CDF le SAC ralkap pawl 2:00 PM hrawng khan Falam Peng Thlanrawn ah kan i phomh cuahmah. Thawng fiang belte a um kho rih lo,” tiah CNF Spokesman Salai Htet Ni nih The Hakha Times ah a chim. Thlanrawn khua hi nihin chun ah SAC ralkap pawl nih inn 10 an khanghpiak cang hna i kahdohnak tih in khuami an zaam, tiah kan theih.

Be the first to comment

Leave a Reply

Your email address will not be published.


*