Sangau Auto-Rickshaw mong pawl nih kawlram mi Ralzaam hna bawmhnak an pek hna

Nizan October 17, 2021 Zarhpi ni ahkhan Auto-rickshaw Association, Sangau hna nih cun ralzam hna bawmhnak ah phaisa  Rupe 8000 le Cite le Chiti an hna tiah, thawng kan theih. Atu bantuk in Sangau khua chung Auto-rickshaw Association,  hna nih October 11, 2021 ah khan charity service an rak ngei cang. Hi charity service hi ralzam bawmhnak ah an rak tuahmi a si cang tiah, thawng theih chih asi.

Sangau khua ah hi bantuk in samaria mitha pawl an thiltuah mi cu a sunglawi tuk hringhran ko. Mi cheukhat hna ca’h cun caantha lak in Auto-Rickshaw chitman hna kai ding asi nain Ralzaam hna bawmh duhnak lungput tha an ngei mi cu upatawktlak taktak an si hlei ah zohchunawktlak nung akan cawnpiak tu an si. Bawipa tunih hmailei an tuanholnak ah a thlachuah za he lamhruai chin ko hna seh.

Hi bantuk lio i caantha i lak loin tein an phaisa hmuhmi cu Pangkhua, Sangau-1, Sangau-2, Sangau-3 le Sangau-4 chung i aa dormi hna sin ah an pek dih hna tiah, dawtnak thawngpang kan thei. Auto-rickshaw Association, Sangau tang ah hin member 20 an um lio i, tukum chung cu ralzam ca ah Auto-rickshaw hman man 50% an niamh piak hna. Hi hna pawl thiltuah mi hi mirum deuh le thiltik kho deuh hna nih i cawnh cio hram hna usih. Credit:The Chin Post

Be the first to comment

Leave a Reply

Your email address will not be published.


*