Thantlang Placement Affairs Committee sinah,Miss Thuzar Wint Lwin nih ralzaam caah bawmhnak pek

October 17,2021 A voi 69nak Miss Universe zuamnak ah Thuamthil Dawhbik in teinak hmutu Miss Thuzar Wint Lwin nih Thantlang ralzaam bawmhnak tangka Ks.500,000 a pek tiah kan theih. Hi bawmhnak hi Thantlang Placement Affairs Committee (TPAC) sin ah a pek i TPAC zong nih lunglawmhnak cathanh an chuah.

Miss Thuzar Wint Lwin cu Avoi 69nak Miss Universe ah LAI thuam in Thuamthil Dawh Bik (Best National Costume) cotu a si. TPAC nih hin Ramchung Ramleng bawmhnak in Thantlang khuami ralzaam cheukhat (naupawi le ngakchia deuh) sin ah tangka Ks.30,000 cio le facang bawmhnak an rak pek bal cang hna, tiah kan theih. Credit:The Hakha Times

Relchap> October 16| Falam Peng chung kahdohnak ah CNA+CNDF+CDF nih Taal khua pawng ah erhtonh in a taap mi SAC ralkap motor 7 an hrawhpiak cang hna, tiah kan theih. Hi hna hi Kalaymyo-Falam in Hakha lei ah kal aa tim mi an si i motor 60 tluk chung ah 7 an hrawhpiak cang hna.

Hliamh mi 20 in 30 kar an si cang lai. A thi mi zong an tam cang lai nain fiang in theih a si rih lo. Taal ah hin an hren hna. Falam lei zong kir kholo, Hakha lei zong kir kholo, cawl kho loin an erhtonh hna. Kiangkap khuami zong kan zaam dih,” tiah min langhter lo mi kiangkap minung pakhat nih The Hakha Times ah a chim.

Hi hna pawl zuanhnawh ding ah a kal mi Hakha um SAC ralkap pawl zong CNA+CDF nih an nam hna i Hakha lei ah an kir than tiah theih a si.

Be the first to comment

Leave a Reply

Your email address will not be published.


*