Good News: CNDF pawl nih SAC ralhrang an kah hna i ralhrang uico pakhat a thi

Nihin, October 15,2021 zinglei suimilam 11:00am hrawngah CNDF pawl nih SAC ralhrang uico pawl an kah hna i ralhrang pakhat a thih tiah, thawng theih asi. Culawng silo in a dang pakhat zong hliam a puh rih tiah, CNDF lei nih thawngpang tha mipi a kan thanh. CNDF lei cu hma an puh hrawh lo ca’h Pathian sinah kan i lawmh tuk hringhran ko.

Falam peng, Tibual khua SAC ralhrang sakhaan ah a ummi ralhrang pawl le CNDF ralkap uico pawl cu suimilam cheu chung kan i kap i, ralhrang lei in minung pakhat a thi, a dang pakhat hliam a puh tiah, thawngthanhnak ah an langhter mi cu lung a hmui kho tuk. Lai miphun nih uico pa Min Aung Hliang akan nesawh nak hi kan lungrual nak ah cang seh law, kan ralpa dohnak ah kan lung i fonh chin ko seh.

SAC ralhrang lei nih miakpi in an kah len ko nain hliam puh mi le a mithi um hrawh loin CNDF ralkap pawl cu himnak hmun ah an kir kho tthan tiah, CNDF thawngthanh tu lei nih ca an thlah. Kan miphun ca’h a ho pa maw kan rinkunh lai tiah, mino tam pi nih semnak kan nu lairam cu an vun humhim tikah lung a hmui kho tuk. Kan lai Pasal tha le Nusal tha vialte hna nundam tein kan biak Pathian nih inhuhpheng ko hna seh. Credit:The Chin Journal

Be the first to comment

Leave a Reply

Your email address will not be published.


*