THAWNGTHA: Nihin chun CNA le Ralhrang i dohnak ah uico pawl minung 5 an thi

October 24,2021 / Nhin Ramthlo khua le Chuncung khua karlak CNA le uico pa Min Aung Hliang a nau le pawl i tukdohnak ah Ralhrang minung 5 an thi tiah, thawng van theih cu lung a hmui kho tuk hringhran. Hi bangin teinak le tthawngnak akan petu Pathian sinah lawmhbia chim peng hna usih. Kan lai ralkap zong hmailei an cawlcang nak ah an lamtluan chin sehlaw teinak he Bawipa nih lamhruai chin ko hna seh. CNA kan pasal tha le kan nusal tha hna kan biak Pathian nih huhpheng chin ko hna seh. Laknak:Salai Thomas Lian

Relchap> October 24,2021 nihin chun ah Rialti khua pawng, lamthlang ah an hmuhmi ruak cu Yangon khua ah a ummi University of Medicine – 2 ah Sii lei fimthiamnak a cawng liomi Ko Naing Htoo Lwin (kum 20) a si, tiah an hun hliah khawh cang. A liamcia ni le caan ah Ralhrang he i kahdohnak hmun ah Chinram ca le Kawlram ca’h nunnak a petu Ko Naing Htoo Lwin upatnak kan in pek.

Falam khua le Hakha khua karlak raldohnak ah hliam a pumi pawl thlop ding in a nih zong a kal ve. An rak kir tik ah a nih cu aa tel ti lo. Phone kan chawnh i voi khat cu a tlaih. Mah hnu ah a tlai ti lo. SAC ralhrang nih an tlaih hnu ah an thah i a si lai tiah, CNF bia chimnak nawl ngei Salai Htet nih a chim tiah, theih asi.

Naing Htoo Lwin i a ruak cu nizaan ah Falam khua le Hakha khua karlak mengtung 144KM zongah thacamnak tein ruakvuinak an tuahpiak cang. Atu bantuk in Sii aih le Dr. Ko Naing Htoo Lwin nih akan liamtak mi cu lung a fah tuk hringhran ko mu. Tantak chungkhar hna zong kan biak Pathian nih hnem hram ko hna seh.

Be the first to comment

Leave a Reply

Your email address will not be published.


*