Thawngpang:US Embassy nih a rangnak in Myanmar ram chuaktak dih u tiah, a mipi ralring a pek hna

October 14,2021/ Thayat Chaung, Tanintharyi, Tawei hrawnghran a ummi US minung vialte Citizens a ngeimi hna a rangnak in hi hmun chuaktak dih cang u tiah, American Embassy nih nihin ah a mipi pawl ralring nak thawng a thanh cang hna. Atu bantuk in US Embassy nih a mipi pawl hi hmunhma hrawng a ummi chuaktak dih cang u tiah, ralring peknak a tuah mi hi buaibai nak a fak chin lai ti a fiang ngaingai.

Hi bantuk in US Embassy hna nih a minung ralring nak a pek mi hna hi SAC ralhrang pawl nih harnak maw pe sual hna lai tihi asi theu lai tiah, zumhnak kan ngei. Aliamcia mi October thla 11 ahkhan ramdang minung pawl harnak kan tong lai lo tiah, ruah ngam asi lai ca’h a tu bantuk in US Embassy nih a minung pawl a kau auh mi hna si lai tiah zumhnak ngei cio asi.

American Embassy nih Myanmar ramchung khualtlawnmi vialte hna zong ralring nak a pek mi hna cu a tutang harnak le buaibainak hi a fak bikmi dirhmun 4 nak asi ca’h a rak tlawn tami nan si ah, chikhat umchung dingin timhtuahnak a ngeimi nan si ah, a si khawh chungin le a rang khawh chungin Myanmar ram hi chuaktak cio dingin ruahnak pek kan in duh hna tiah, nihin October 14 ah thawng a thanh. Credit:Khit Thit Media

Be the first to comment

Leave a Reply

Your email address will not be published.


*