Thawngtha: Hakha ah Palekbawi a ttuan lio mi le a hawinu CDM an tuah ve cang

Hakha palek sakhaan in Palekbawi Tha Chin Sung le Dang Van CDM an tuah, Chin Ramkulh ah palek CDM tuah mi 900 leng an si cang October 21, Hakha palek sakhaan in Deputy Chief of Police (Du-Ye-Oh) Tha Chin Sung le Police Sergeant (Ye-Tatkyat) Dang Van cu CDM an tuah, tiah thawng kan theih.

Atu cu a himnak hmun kan phan cang. Chin Ramkulh Peng 9 chung ahhin Paletwa dah ti lo Peng 8 chung in palek minung 900 renglo CDM a tuah cang mi kan si tiah, Palekbawi Tha Chin Sung nih The Hakha Times ah a chim. A tu bantuk in CDM a tuah mi hna thawng van theih cu  lung a hmui kho tuk hringhran e.

Palekbawi Tha Chin Sung le Dang Van cu a luancia September 18, 2021 lio ah CDM a tuah mi an si i a himnak hmun an phan cang. September 18 in nihin October 21 karlak ah CDM a tuah mi an um maw umlo cu The Hakha Times nih kan hngal kho rih lo.

Relchap> Aluancia Hniarlawnthar kahdohnak lio ah SAC ralkap nih an tlaih mi Pu Rual Cung (kum 24) cu nihin tiang akong hngalh a si lo i chungkhar lei an lungrethei, a umnak a hngal mi an um sual hnga maw, tiin bawmh an hal.

“Hniarlawnthar kahdohnak ah khan an tlaihchih sual mi a si. A hawile 4 hi cu sakhaan ah an chiah cang hna. Anih Pu Rual Cung tu hi nihin tiang khoika an chiah ti zong kan thei kholo i kan lungre a thei kho. A hmu mi siseh, a umnak a thei mi nan um sual ahcun phone 09-442001015 ah kan pheh tlai hram u.

Be the first to comment

Leave a Reply

Your email address will not be published.


*