Trump caah thawngtha chin lengmang si cang

US midterm election a nai tuk caah heh tiah Republican le Democrat pawl cu house congress le senate ah nawlhngei ding in an nih zuam cuamah lio a si. Polls dirhmun zoh ahcun Republican pawl caah hnangam ngai a si, natein politic hi cu nikhat, suimilam pakhat ah a thleng kho mi a si caah Election hlan tiang cu hnangam tein um ngam a si lo an rak ti tawn mi kha a si

President Joe Biden nih heh tiah a zuam mi cu a hmuh cang. Biden $1.2 infrastructure bill cu partisan pawl nih an cohlan piak cang.

Kum 50  hnuah Infrastructure bill ngan bik mi cu President Joe Biden nih min thutnak a tuah cang. President Joe Biden nih

‘Democrats le Republicans¬† cu party a khat lo mi kan si zong ah, a caan ah cun rian kan tuan ti khawh ko tiin a chim, 1.2 Trillion hmang in lam, internet broadband, electric motor charging etc an buaipi lai. 1950’s hnuah National Highways tuahnak ding caah a tel mi a si, White House South Lawn ah Biden nih bia a chim mi,

America thanchonak lam pakhat kan phan than cang,US cu hmailei kan kar chin lengmang lai tiin a chim. Natein mah bill hi mi tampi nih an soisel’,

Democrats moderator Joe Manchin le Krysten.Sinema nih Biden warning an pek cang. Democrats nih Congress ah tlawmte hmangin nawlhngeiank an ngei caah harnak tampi an tawn cuamah lio a si, President Joe Biden hi Polls ah 41% lawng a hmuh i,a rian tuan ning aduh lo mi an kar chin lengmang caah kum 2024 ah Trump caah ruahchannak tampi a ngei. Cre-RTK

Kawlram thawngpang….Rampi ruahnak pe tu Daw Aung San Su Gyi le president U Win Myint tel in minung 16 hna cu thimnak tuahmi ah thil diklo nan tuah tiah an ti hna caah nizaan ah tazacuai in hmalaknak an tuah hna tiah ralhrang phu

pyitawngsuh election commission (UEC) nih cathanh an chuah. Tazacuai a tongmi hna chung in pyitawngsuh election commission chairman U Hlah Thein, chungtel U Myint Naing le U Tan Htay, cozah zung vuanci U Min Tu, Mandalay ramthen vuancichoh Dr. Zaw Myint Mawng le Naypyidaw in Dr. Myo Awng hna an i tel tiah a langhter.

Ralhrang phu nih hramhram nawlngeihnak an lak hnu ah, election commission phu chungtel hna hmalak nak an tuah hi a voikhat nak a si tiah theih a si Ralhrang phu kuttang um UEC nih tazacuai nak an tuahmi ah minung 8 lawng min a langhter leng ah zeibantuk poh-mah in dah tazacuai an si ti a langhter chih mi a umlo.

A luancia 2020 thimnak ah NLD party nih teinak a hmuh ko na in, mee cazin palhnak ruangah thil diklo a umkho ti in ralhrang phu nih nawlngeihnak cu lak in thimnak results hna cu ka hrawh tiah thawngthanhnak a rak tuah. A tu ah tlaihkhih a tongmi Daw Aung San Su Gyi cu a hmuh 11 in taza an cuai lengah president U Win Myint zong a hmuh 2 in taza an cuai tiah theih a si. # The Irrawaddy

Be the first to comment

Leave a Reply

Your email address will not be published.


*