Trump le republican pawl caah thawngtha tuk si cang

US midterm a naicuamah cang, Democrat lei pawl an lungrei a thei chin lengmang i, US midterm election 2022 cu a linsa tak tak lai ti a fiang cang ko.  US President Joe Biden’s overall approval rating October 41%- 50% June, & 44% September a si tiin, Washington Post le ABC News poll nih a langter.

Democrats & independents pawl nih Joe Biden an duh lo chin lengmang ti fiangtein polls nih a langter

Biden President rian a thawk lio ah khan, former president Donald Trump kha Covid-19 ruangah a min a chiat i, a duh lo mi an tam ngai kha.

Cucaah, JOe Biden cungah zumnak tampi an ngeih, President campaign lio ah Joe Biden nih Covid hi thlathum chungin ka tawrel khawh lai a ti, president approval rating ah a sang ngai. Natein thlakhat hrawng a tuan hnuah Covid hi a sawhsawh in tei khawh a si lo, caan tampi kan her tiin a chim cang

Atu Washington Post-ABC News nih joint polls an tuah mi hi zumtlak ngai ngai mi polls a si. Atu hi US state kip cu US Midterms ngeih ding in heh tiah tim tuahnak an ngei lio.

Atu Survey an tuah mi ah hin Americans 49% nih Republicans cu an duh i, 43% nih Democratic an duh. Mah bantuk in Survey ah mipi nih republican an duh deuhnak ruang cu

Joe Biden rian tuan ning an zoh tikah US president caah cun a tha lo ti kha fiangtein an thei caah, US midterm ah congress le Senate ah Republican pawl nih nawlngeinak ngei than seh ti kha an duhnak a si. Atu hi US ram cu thil man a kai tuk cang tiin US President Joe Biden cu ceilak in an soisel cang.

Mah bantuk in thil man a kai mi (Inflation) hi independent cheu nih Biden nih a rian a tei lo tuk caah a si tiin JOe Biden an puh.

Thla 10 rian a tuan cang i, a rian tuan mi ah thil tha hmuh ding a um lo an ti. Survey ah three-quarters of respondents (70%) nih American economy dirhmun a chia tuk cang an ti, 38% nih America economy cu a tlah cuamah lai tiah an zum. Republicans 80% nih Biden cu nihin tian president caah an cohlan kho lo,

A luancia zarh September ah, Democrats 94% nih Joe Biden cu kan zum tiin an langter, Cun, October ah survey an tuah than mi ah Democrat 80% nih Joe Biden cungah zumank an ngei.

Democrat chungah Joe Biden a duh lo mi an kar chin lengmang cang tinak a si. Atu hi US midterms ah teinak hmuh ding in heh tiah republican le Democrat pawl cu an mah le state cio ah rian an tuan cuamah cang i, Democrat pawl nih an President Joe Biden ruangah Senate le Lower House seat Majority kan sungh sual lai ti an tih ngai cang. Cre-RTK

Be the first to comment

Leave a Reply

Your email address will not be published.


*