Uico MAH nih ASEAN pawl lehnak a tuah cang. ASEAN pawl duhnak a hlawt piak hoi cang

ASEAN Palai nih Daw Aung San Suu Kyi tonnak nawlpek ding an kan hal mi hi phungbuar a si, tiah Soe Win nih chim. Nizaan November 2 lio ASEAN Cazin Check Zung (ASEANSAI) pawl meeting ah, “ASEAN Palai nih Daw Aung San Suu Kyi tonnak nawl a kan hal mi hi phung le phai (upadi) a lonh mi a si, tiah Min Aung Hlaing changtu Soe Win nih video in bia a chim.

“Tazacuai in biaceih lio mi pakhat cu zeibantuk upadi le hmanlio mi upadi zong nih a onh lo caah hihi phung an lonh a si,” tiah Soe Win nih a chim. ASEAN Palai Myanmar ram rat nakding kong ah Min Aung Hlaing te phu hi fakpi in hnahnawhnak kan pek rih hna lai, tiah Cambodia nih a chim ve. (#CrdMP)

Thawngpang dang.. Thantlang mei a kangh lio ah nuamsuul in hman aa thla mi Zawngkeng pawl. November 3| A luancia October 29 zing in zaantim tiang Thantlang khua a khaangtu Kha-la-ya 222 in Zawngkeng pawl cu mei kangh lio cuanhpah in hman an i thlak mi a puang.

Hi hmanthlak hi anmah sin in a puanglang mi a si i Thantlang khualu Viewpoint in an cuanh lio hmanthlak a si.Zawngmelung nih cun, “Kanmah nih kan khangh mi a si lo. PDF min hmang ralhrang phu nih an khangh, tiah a chim nain anmah kutneh a sinak cu an thup kho lai lo. Lihchim in apaw aa cawm mi ko an lo,” tiah khuami pakhat nih a chim. Hi hna pawl nih hin October 29 lio ah Biakinn 2 tel in Thantlang khua inn thatha 164 an rak khangh.Cr-THT

Be the first to comment

Leave a Reply

Your email address will not be published.


*