US ah um, Chinmi ralring tein um peng hna u si, a thi mi an tam tuk cang

White House sibawi lei ah adviser Dr. Fauci zong nih fiangtein a chim cang kha, Covid sii a lak cang mi zong tampi an thi lengmang cang caah US ram chungah mask thatein hmang ding tiin. Atu cu kum 2020 lio Trump President a rak tuan lio nak in Joe Biden president a tuan hnuah US ah covid ruangah a thi mi an tam deuh tiin The New York Times nih fiang cik cek in a langter cang.

Coronavirus ruangah US mipi a thi mi an tam tuk caah heh tiah an zai i, President Trump kha an rak soisel kha.

Trump a tlaknak ruang kha Coronavirus kongah a rian tuan ning a thah lo, mipi a thi mi an tam tuk tiin an mawhchiat i,

Trump president caah a tling lo mi zong kha Covid kongah a rian tuan ning a tha lo, a thi mi an tam tuk tiin an mawhchiat, Coronavirus ruangah former president Trump kha soiselnak le thangchiatnak tampi a tawn, heh tiah a zuam i kum dawngnak ah covid sii cu hmang khawh ding in FDA ni approved a tuah. Election campaign lio ah Joe Biden nih President ka si ahcun a rau hlan ah Covid hi kan tei lai tiin a rak chim tawn kha.

Natein President a vun tuan bak in thlakhat a liam hlan ah, Covid hi a sawhsawh in tei khawh a si lai lo, caan tampi kan herh tiin phising a tuah than kha.

Atu cu US ah media ngan tuk mi The New York Times nih fiang cik cek in a chim cang. Trump President a rak tuan lio ah Covid ruangah a thi mi nak in

Joe Biden president a tuan hnuah kumkhat chungin US mipi cu Covid in a thi mi an tam deuh tiin a tial cang. Covid sii mi tampi nih an lak cang buin mah bantuk in Covid ruangah Joe Biden president a si hnuah a thi mi an tam deuh caah mi tampi nih Joe Biden cu heh tiah an soisel than cang i, CDC nih a langter ning ahcun Joe Biden president a tuan hnua kum 2021 ah Covid ruangah

US mipi a thi mi dihlak cu 386,233 an si i, Trump President tuan lio kum 2020 ah Covid ruangah US mipi a thi mi dihlak cu  385,343 tiin a langter.

Mah hi The News York Times nih a langter mi a si. Covid sii a lak mi an tam ngai cang, Ramdang zoh ahcun Covid sii a um hnuah a thi mi an tlawm chin lengmang lio ah, mah bantuk in US ram chungah a thi mi an kar caah Joe Biden a min chiat ngai i, heh tiah an soisel i, a bia chim mi le a thil tuah mi a kai lo tuk an ti.

Natein Politic, Foxnews le CBS nih polls an tuah mi ka vun langter cang kha, US 67% nih Joe Biden cu zumtlak a si lo an ti i,

thla 10 a rian tuan mi zoh tikah US cu mual a pho ngai cang. Southern Border ah chim cawk lo phunglam loin US ram chungah alut mi an um Afghan Withdrawal ah heh tiah mual apho, Atu hi US ram chungah thil man a kai tuk cang, Inflation heh tiah an buai pi, Covid a si, Yamen ah US embassy cu ralhrawng pawl nih an kut tangah an chia fawn tikah Joe biden approval rating cu zoh ngam ding a si ti lai lo ti hi mi tampi nih an zum ning a si. Cre-The Chinpage

Be the first to comment

Leave a Reply

Your email address will not be published.


*