US mipi an nih ngaichih tuk cang hna, Zumtlak lo tuk mi Joe Biden

US president hi cu a biapi hrinhrang ko, vawlei cung super power ram a si caah US president caah cun a fit tak tak mi a hau bak ko. US midterm a nai tuk cang i, heh tiah party pahnih nih congress le senate ah teinak an hmuh khawhnak ding caah an nih zuam cuamah lio. US midterm a dih bak in former president Trump nih kum 2024 ah president a cu than lai maw lai lo ti fiangternak a tuah te lai ti a rak chim cang

US voter register a si mi nih President Joe Biden an hmuh ning le US president caah a tlak maw tlak lo ti an hmuh ning an langter ve cang.

Politico/Morning consult poll nih a langter ning ahcun, 51% nih Joe Biden cu zumtlak a si lo, A bia chim mi bia hman a chim tawn lo an ti cah

51% nih Joe Biden bia chim mi le thil tuah mi ah zumnak an ngeih lo. 44% nih Joe Biden cu zumtlak a si ko, A bia chim mi cu a hman ko tiin Joe Biden cu an dirkam ve. Joe Biden nih bia aa kam ning bantuk in rian a tuan maw tiah bia halnak an tuah mi ah, 52% nih Joe Biden nih bia aa kam ning bantuk in zeihman a tuan lo an ti i, 39% nih a biakam ning bantuk in a tuan ko an ti.

56% nih President Joe Biden cu hruaitu tha a si lo, hruaitu thawng lo tuk mi a si an ti i, 38% nih hruaitu thawng a si ko tiin an langter.

Cun, Joe Biden nih US ram hi a hruai khawh ko lai maw tiah bia halnak an tuah mi ah, 53% nih a hruai khawh lai lo, Joe Biden rian tuan ning le a sining zoh tikah US a hruai khawh lai lo an ti i, 41% nih US hruai ding in an tlak ve ko an ti

Cun 60% nih Joe Biden cu thazaang a ngeih lo an ti i, minung 34% nih US hruai ding in thazaang a ngeih ko an ti.

Cun 57% nih biachim holh ah a tlak lo an ti i, 37% nih a tlak ko tiah an langter. Joe Biden hi US president vialte lakah upa bik/ tar bik a si i, Atu hi 78 a si cang. Trump hi 74 a si ve, Joe Biden cu Trump nak in kum 4 in upa deuh, Mi tampi hmuh ning ahcun Joe Biden hi thazaang a ngeih deuh ti lo caah a bia chim mi zong a sau lo i, a hlei in meeting ah Joe Biden hi a nghilh pa tawn lengmang caah mual a pho ngai tawn tiah an ti mi a si. Cre-Breitbart

Be the first to comment

Leave a Reply

Your email address will not be published.


*