US mipi nih thil sining fiangtein an theih cang lai

Former President Trump a lar ning cu chim hau ti lo i kan theih dih cang ko lai, Republican party hi Trump nih chuahtak sehlaw, Republican party cu a dih cang ko lai tiah an ti mi kha a si. Republican hruaitu zong nih Republican party cu Trump party a si tiin a rak chimnak kong zahan ah ka rak tial cang kha.

Atu cu mi tampi nih an theih duh tuk mi thil cu rel khawh a si cang lai. Former President Trump nih US president a rak tuan lio ah a thil tawn mi hna cu rel khawh ding in

Cauk in a chuah cang. Trump president a rak tuan lio ah Democrat pawl nih ni fatin a sual an kawl peng ning le a dik lo mi le a hman lo mi an tial tam ning kha kan theih dih ko lai.

A hlei in CNN nih zeitin dah Trump a palhnak kan hmuh khawh lai tiin zin fatin CNN hall room ah briefing an tuah tawn ning kong zong mah Chinpage ah fiangtein ka rak tial cang i, French ah a kal lio ah achim lo mi “US ralkap ral tuk lio ah a rak

thi mi hna kha zeihman an si lo tuk caah” tiin Trump nih a chim ti bantuk in Liberal Media pawl nih heh tiah an rak tial mi kongah,

A hnuah Liberal Media pawl nih mi theih lo mi sin in mah kong hi kan theih i kan tial mi a si an ti i, phihsing an tuah mi kong le Afghanistan ah US ralkap a thi mi an lu man cu Russia sin ah Trump nih a pek tawn hna,

Trump hi US ralkap lu zuar tu a si tiah an tial i, a hnuah phising an tuah than mi hna kong fiangtein mah Chinpage ah ka ral tial cang kha. Atu cu amah Trump bak nih White House ah rian arak tuan lio ah a thil tawn mi le US ram caah zeitin rian a rak tuan ning le Democrat pawl he heh tiah an rak i doh ning kong hna cu Cauk in a chuah cang lai i,

Trump nih a chim ning ahcun mah ‘Our Journey Together” ti Cauk hi December thlaceu hrawng ah release tuah ding a si men lai.

Mah Cauk Man hi pakhat ah US Dollar 74.99 a si lai. The Washington Examiner nih interview an tuah nak ah Trump nih Nancy Pelosi ah an rian tuan ti ning le Nancy Pelosi rian tuanpi a har ning kong zong a tial i, cun UK PM, Borris Jonhson cu a thangthat ning kong zong a chim. Mah cauk hi Winning Team Publishing- Don Jrle Trump world insider sergio Gor nih an buapi piak mi a si. Cre-RTK

Be the first to comment

Leave a Reply

Your email address will not be published.


*